ჩვენ შესახებ

ჩვენ ვართ კომპანია “კალო” – 2016 წლიდან ვმუშაობთ ქართულ ბაზარზე და დღეს ერთ-ერთ წამყვან პოზიციას ვიკავებთ აგროსექტორში.

ვფლობთ ინოვაციურ, აგრო-ტექნოლოგიურ პლატფორმას, რომელიც მიზნად ისახავს საქართველოს სოფლის მეურნეობის სექტორის თანამედროვე ტექნოლოგიებით გაძლიერებას.

ჩვენი ციფრული პლატფორმით მომხმარებლებისთვის ხელმისაწვდომს ვხდით ნებისმიერი სასოფლო-სამეურნეო დანადგარის, ხელსაწყოების, სასუქებისა და მცენარეთა დაცვის საშუალებების შეძენა-მიწოდებას.

ჩვენი მისიაა სოფლის მეურნეობის სფეროს განვითარება თანამედროვე ტექნოლოგიების, ცოდნისა და მდგრადი პრაქტიკის გზით. ვგრძნობთ პასუხისმგებლობას, რომ ფერმერებს შევთავაზოთ სანდო ინსტრუმენტები, პრაქტიკული ცოდნა და მონაცემებზე დაფუძნებული გადაწყვეტილებები, რომლებიც პირდაპირ ახდენენ გავლენას წარმოების ზრდაზე, ხარისხსა და გარემოს დაცვაზე.

ჩვენი ღირებულებები დაფუძნებულია რამდენიმე ძირითად პრინციპზე:

ინოვაცია – მუდმივად ვეძებთ ახალ ტექნოლოგიურ გადაწყვეტებს, რომლებიც მარტივს, ხელმისაწვდომს და ეფექტურს გახდის ფერმერულ საქმიანობას.

სანდოობა – თითოეული პროდუქტი და სერვისი, რომელსაც ვქმნით, ემყარება მტკიცე მეცნიერულ და პრაქტიკულ საფუძველს, რაც ფერმერებს აძლევს თავდაჯერებულობას გადაწყვეტილებების მიღებისას.

განათლება და ცოდნის გაზიარება – ვქმნით სასწავლო მასალებს, ვატარებთ სემინარებს და ვუზიარებთ ინფორმაციას მათ.

მდგრადობა და გარემოს დაცვა –  ვემხრობით სოფლის მეურნეობის ისეთ მიდგომას, რომელიც პასუხისმგებლიანია გარემოს მიმართ და აყალიბებს ჯანსაღ საწარმოო სისტემებს.

თანამშრომლობა და მხარდაჭერა – ჩვენთვის მნიშვნელოვანია ფერმერებთან ხანგრძლივი და თანასწორი ურთიერთობა. არ ვართ მხოლოდ სერვისის მომწოდებლები – ჩვენ ვართ პარტნიორები წარმატების გზაზე.

კალო – ეს არის სივრცე, სადაც აგროკულტურა, ტექნოლოგია და ადამიანური რესურსი ერთიანდება საერთო მიზნისთვის: ძლიერი, თანამედროვე და მდგრადი სოფლის მეურნეობის აშენება.