როდენტიციდი – რატიციდი ფ

მისატყუარას დამზადების ინსტრუქცია და გამოყენების რეგლამენტი

მღრღნელი მავნებლების გასანადგურებლად მოცემული პრეპარატის საშუალებით მზადდება მისატყუარა, რომელშიც მოქმედი ნივთიერების მასური წილი არის საშუალოდ 2.5%. ამისათვის, პრეპარატი უნდა შევურიოთ მცენარეულ ზეთს, შემდგომ მავნებლისთვის განკუთვნილ საკვებს (მარცვლეულს, ბოსტნეულს, ხორცის ან თევზის ფარშს და სხვა პროდუქტებს, რომლებიც იზიდავენ მღრღნელებს), სანამ იგი თანაბრად არ გადანაწილდება მასზე და მიიღებს ნაცრისფერ შეფერილობას. მღრღნელებისთვის განკუთვნილი საკვების შერჩევა ხდება გასანადგურებელი მავნებლის სახეობიდან გამომდინარე. მცენარეული ზეთის დამატება ხელს უშლის მტვერის წარმოქმნას და აუმჯობესებს მღრღნელების მიერ საკვების ათვისებას. 10 კგ. მისატყუარას მოსამზადებლად 250 გ. პროდუქტი შეურიეთ 250 გ. მცენარეულ ზეთს და 9,50 კგ. მღრღნელებისთვის განკუთვნილ საკვებს. მღრღნელების საკვებად არ გამოიყენოთ ხაჭო, ჭვავის პური და სხვა მჟავე არეს მქონე პროდუქტები, რომლებიც ხელს უწყობენ თუთიის ფოსფიდის დაშლას. აკრძალულია მზესუმზირას და ადამიანისთვის მიმზიდველი პროდუქტების გამოყენება მისატყუარას დასამზადებლად.

ფხვნილის სპეციფიური შეფერილობა მზა მისატყუარას აძლევს რუხ (დენატურირებულ) ფერს. მისატყუარა უნდა განთავსდეს იმ სავარაუდო ადგილებში, სადაც ბინადრობენ მღრღნელები. მათი სოროების სიახლოვეს, გზებზე, რომლითაც გადაადგილდებიან, კედლებისა და ღობეების გასწვრივ, დახურულ კონტეინერებში და სხვა. მისატყუარას განთავსების ადგილებს ათვალიერებენ 1-2 დღის შემდეგ, ხოლო განმეორებით ერთი კვირის ინტერვალით. მისატყუარა დაამზადეთ უშუალოდ გამოყენების წინ. მომზადებული მისატყუარა უნდა განთავსდეს პატარა ულუფებად (1/4-1/2 ჩაის კოვზის ოდენობით), მავნებლების კვების ადგილებიდან 2-15 მეტრის რადიუსში. ვირთაგვისთვას ლეტალურ დოზას წარმოადგენს 1გ. მისატყუარა. 4 ცალი მინდვრის თაგვისთვის კი დაახლოებით 0,1 გ. ღია სივრცეში მისატყუარა უნდა განათავსოთ ისე, რომ მოარიდოთ წვიმას და ფრინველებს. შესაძლებელია მისატყუარას მოთავსება პირდაპირ მღრღნელების სოროში. მისატყუარს ტოვებენ 1-3 დღე-ღამის განმავლობაში. სადერატიზაციო სამუშაოების დასრულების შემდეგ აუცილებელია ტერიტორიის გაწმენდა პრეპრატის ნარჩენებისგან.

პრეპარატი გამოიყენება შემდეგი მღრღნელების წინააღმდეგ

შავი ვირთაგვა (Rattus Rattus); რუხი ვირთაგვა (rattus norvegicus); სახლის თაგვი (mus musculus); ჩვეულებრივი მემინდვრია (Microtis arvalis); წყლის მემინდვრია (arvicola terteris); მინდვრის თაგვი (apodemus agrarius); მთიური ბრუცა (spalax leucodon) და სხვა.

გამოყენების არეალი

• საშემოდგომო ხორბლის ნათესები
• თხილისა და ციტრუსების ნარგავები
• ბოსტნეული კულტურების ნათესები
• კენკროვანი კულტურების ნაკვეთები
• ხეხილის ბაღები
• მრავალწლიანი ბალახები
• დაუმუშავებელი მიწები
• საძოვრები
• სათიბები
• მინდვრები
• ტყეები
• სამეურნეო და საყოფაცხოვრებო შენობები
• საწყობები
• შენობებისაგან თავისუფალი ტერიტორიები
• საწარმოო ობიექტები და საწყობები
• საცავები
• პორტების მეურნეობა
• გემები
• რკინიგზის და საავტომობილო გზების გასწვრივ
• მეცხოველეობის მეურნეობები