ბასტა წხ150 1 ლ

ბასტა®-ს მოქმედი ნივთიერება _ ამონიუმის გლუფოსინატი, ეყრდნობა ფერმენტის _ გლუტამინსინთეტაზის ფუნქციონირების ბლოკირებას, რაც იწვევს მცენარის მეტაბოლიზმის რღვევას, კერძოდ:

• ფოტოსინთეზის სწრაფი შეჩერება (2-8 საათის მანძილზე)
• თავისუფალი ამიაკის დაგროვების შედეგად, მემბრანული ფუნქციის რღვევა
• ორგანული აზოტის დეფიციტის გამო, ცილების ბიოსინთეზის შემცირება

შედეგად, ბასტა®-თი დამუშავებულ მცენარეებში სწრაფად გროვდება თავისუფალი ამიაკი ტოქსიკური დოზით, რაც ბასტა®-ს ანიჭებს ეგრეთ წოდებულ „წვის ეფექტს“. იწყება მცენარის მწვანე მასის სწრაფი გამუქება. ამასთანავე, ამინომჟავა გლუტამინის წარმოქმნის შეწყვეტა იწვევს სრულყოფილ და ხანგრძლივ ეფექტს.

ამიაკის ტოქსიკურობა, ამინომჟავა გლუტამინის წარმოქმნის შეწყვეტა და ფოტოსინთეზის სწრაფი დათრგუნვა უზრუნველყოფს ბასტა®-ს, როგორც დესიკანტისა (დესიკაცია – მცენარის ხელოვნურად გახმობა, დამწიფების დაჩქარება მოსავლის აღების წინ) და ტოტალური მოქმედების ჰერბიციდის სწრაფ ეფექტს.

გამოყენება, როგორც ტოტალური მოქმედების ჰერბიციდი

ბასტა®, როგორც ჰერბიციდი გამოიყენება ბაღებსა და ვენახებში, განსაკუთრებით ახალგაზრდა ნარგავებში და რიგთაშორისი ზოლების დამუშავებისას, სადაც ბასტა®-ს კონტაქტური მოქმედების წყალობით გამოირიცხება კულტურული მცენარეების დაზიანების რისკი, განსხვავებით გლიფოსატისგან, რომლის გამოყენების შემთხვევაში მისმა სისტემურმა მოქმედებამ შეიძლება გამოიწვიოს კულტურული მცენარის სიკვდილი.

თავსებადობა

ბასტა®-ს შერევა შეიძლება სხვა ჰერბიციდებთან. სამუშაო ნაზავის მომზადებამდე რეკომენდებულია დამატებით ჩატარდეს ცდა თავსებადობაზე.

უპირატესობები

• რბილი დესიკაცია, რომელიც აჩქარებს საკვები ნივთიერებების მიწოდებას ნაყოფებსა და თესლში, რაც უზრუნველყოფს მოსავლის ხარისხის გაუმჯობესებას. (თესლის სისრულე, ზრდის ენერგიის მატება და სხვა)
• შეუცვლელია სათესლე მეურნეობებში
• გამოყენების ფართო სპექტრი, როგორც დესიკანტის, ასევე ტოტალური მოქმედების ჰერბიციდისა
• კონტაქტური მოქმედება, გამორიცხავს ნარჩენების არსებობას პროდუქციაში
• პრეპარატი უსაფრთხოა ვაზისთვის, ამონაყარის კონტროლისას
• ფორმულაციაში მიმწებებლის არსებობა
• უსაფრთხოა მომხმარებლისა და გარემოსთვის

გამოყენება (როგორც ტოტალური ჰერბიციდი)

თავი აარიდეთ წვიმით და ნამით დასველებულ მცენარეებზე შესხურებას.

შესხურებასა და თანმდევ ნალექს შორის ინტერვალი 6 საათი.

გამოყენება (როგორც დესიკანტი)

კულტურული მცენარეების სრული დესიკაცია ამინდის პირობების მიხედვით 10-14 დღეში ხდება.