აგრომეტრის პრეზენტაცია

კალოს გორის, მარნეულისა და გურჯაანის ოფისებმა აგრომეტრის პრეზენტაციის
ღონისძიებას უმასპინძლეს. Ღონისძიებაზე წარვადგინეთ თანამედროვე ზუსტი
აგროტექნოლოგია, რომელიც ფერმერების საქმიანობას მარტივს და უფრო ეფექტიანს
ხდის.

Ღონისძიების ფოკუსი AgroCares-ის მიერ შექმნილი აგრომეტრი იყო. ეს პორტატული
აგროტექნოლოგიური ხელსაწყო საველე პირობებში ნიადაგის, ცხოველის საკვების და
ფოთლის ქიმიური შემადგენლობის ანალიზს უზრუნველყოფს, რაც ხელს უწყობს
პროდუქტიულობის ზრდასა და მდგრად ფერმერულ პრაქტიკებს. Აგრომეტრის
საშუალებით, ფერმერებს შეუძლიათ დაასკანერონ ცხოველის საკვები და 10 წუთში
მიიღონ დეტალური ანგარიში ცხოველის საკვების შემადგენლობის შესახებ.
Აგრომეტრით საკვების კვლევა ფერმერებს ეხმარება ცხოველის ბალანსირებული
კვების უზრუნველყოფაში, რაც საბოლოოდ ამცირებს ხარჯებს და ზრდის
შემოსავლებს.

.       

ეს ღონისძიება საქართველოს რეგიონებში აგრომეტრის მომსახურების ცხოველის
საკვების ანალიზის მიმართულებით გაფართოების ნაწილია. აღმოსავლეთ
საქართველოში ნიადაგის სკანირების სერვისის წარმატებით დანერგვის შემდეგ,
კალო ახლა ცხოველის საკვების ანალიზის მომსახურებას სთავაზობს ფერმერებს. ეს
სტრატეგიული გაფართოება მიზნად ისახავს შიდა ქართლის, ქვემო ქართლისა და
კახეთის ადგილობრივი ფერმერების უზრუნველყოფას შესაბამისი
ინსტრუმენტებითა და ცოდნით, რომელიც აუცილებელია საქონლის საკვების
ხარისხის მონოტორინგისთვის, ოპტიმალური ხარჯებისა და წარმოების ზრდისთვის.
Ღონისძიებას ესწრებოდნენ ვეტერინარები, ფერმერები და საკვების მწარმოებლები
შიდა ქართლის რეგიონიდან, რომლებიც ჩაერთნენ აქტიურ დისკუსიაში
ტექნოლოგიის პრაქტიკაში დანერგვის შესახებ. Პრეზენტაციის დროს ასევე მოხდა
აგრომეტრის დემონსტრაცია და მისი შედეგების გამოყენება ცხოველის საკვების
რაციონის ოპტიმიზაციისთვის, რაც უზრუნველყოფს მაქსიმალურ
პროდუქტიულობას.

Ღონისძიების დასკვნითი ნაწილი მოიცავდა კითხვების და პასუხების სესიას და
შემდგომ დისკუსიას. კალოს აგრომეტრის სკანერის გამოყენებით საქონლის საკვების
მონიტორინგის სერვისები ქართველი ფერმერებისთვის ხელმისაწვდომი იქნება 2024
წლის ივლისიდან.

ცხოველის საკვების სკანირების სერვისი ინერგება პროექტის ინვესტირება უვნებელ და ხარისხიან მესაქონლეობაში (USDA Food for Progress SQIL) მიმდინარე გრანტის ფარგლებში, რომლის მიზანია საკვების ანალიზის მომსახურების სისტემის დანერგვა ცხოველთა პროდუქტიულობის გაზრდისა და
ხარჯების ოპტიმიზაციის მიზნით.

ამერიკის შეერთებული შტატების სოფლის მეურნეობის დეპარტამენტის (USDA)
მიერ დაფინანსებული და Land O’Lakes Venture37-ის მიერ, საქართველოს ფერმერთა
ასოციაციასთან პარტნიორობით განხორციელებული პროექტი “ინვესტირება უვნებელ
და ხარისხიან მესაქონლეობაში (USDA Food for Progress SQIL), მიზნად ისახავს
საქონლის ხორცისა და რძის პროდუქტების წარმოების გაზრდასა და ბაზრებზე
ხელმისაწვდომობის ამაღლებას საქართველოში.