დითანი მ-45

 

დითანი მ-45, მოქმედების ფართო სპექტრის მქონე ორგანული, კონტაქტური ფუნგიციდი, განკუთვნილია მეკარტოფილეობის, მებოსტნეობის, მევენახეობის და მეხილეობისათვის. მოქმედი ნივთიერება მანკოცები, სოკოს უჯრედებში მეტაბოლიზმის ინჰიბირებით, აფერხებს მცენარის ზედაპირზე პათოგენის განვითარებას.

 

მოქმედების მექანიზმი

დითანი მ-45 მოქმედებს სოკოების ფერმენტულ სისტემებზე, რომელიც შეიცავს სულფჰიდრილურ ჯგუფებს. პრეპარატი არღვევს მნიშნელოვან ბიოქიმიურ პროცესებს სოკოვანი უჯრედების მიტოქონდრიებსა და ციტოპლაზმაში. პირველ რიგში ეს ეხება უჯრედების ენერგეტიკული ცვლის უზრუნველმყოფ ფერმენტებს, რომლებიც მონაწილეობენ ატფ-ის სინთეზში. შედეგად, სპორების მომწიფება ნელდება და მნიშვნელოვნად სუსტდება სოკოვანი ინფექციის გავრცელება. გარდა ამისა მანკოცები უზრუნველყოფს მცენარის დამატებით კვებას მანგანუმითა და თუთიით.

 

თავსებადობა სხვა პრეპარატებთან

დითანი მ-45–ის შერევა შეიძლება პესტიციდების უმრავლესობასთან. არ შეიძლება ტუტე რეაქციის მქონე პრეპარატებთან და მინერალურ ემულსიებთან შერევა. პრეპარატების ნაზავით სამუშაო ხსნარის მომზადებამდე, აუცილებელია მათი ფიზიკური თავსებადობის შემოწმება მცირე ზომის ჭურჭელში.  რეკომენდებულია ნაზავში შერეული პრეპარატების მოქმედების შემოწმება ნაკვეთის  მცირე უბანზე. დაიცავით ნარევის თითოეული პრეპარატის გამოყენების რეგლამენტი და რეკომენდაციები.

ყურადღება! პრეპარატი გამოყენება მხოლოდ მოხმარების რეკომენდაციების დაცვით.

 

გამოყენების რეგლამენტი

 

კულტურა	ხარჯვის ნორმა	მავნე ობიექტი		გამოყენების მეთოდი, დრო, შეზღუდვები	ლოდინის პერიოდი, დღე (დამუშავების ჯერადობა)
თუთა (სათესი ნაკვეთები და სანერგეები)	0.3-0.6 კგ/ჰა 1.2-2.0 კგ/ჰა	აღმონაცენების ჩაწოლა, ფესვის სიდამპლე, ცილინდროსპოროზი, ფუზარიოზი		აღმონაცენთა და ნერგების შესხურება 0,3% სამუშაო ხსნარით	-(3-4)
თუთა (სათესლე)	5,0-8,0 კგ/ჰა	თესლის ობი, ფუზარიოზული ფესვის სიდამპლე, აღმონაცენების ჩაწოლა		თესლის დამუშავება დათესვის წინ დასველების მეთოდით ან ჩალბობით (4 ლ/ტ თესლზე) წამლობამდე 2-3 დღით ადრე თესლის დალბობა გამდინარე წყალში	-(1)
ვაზი	2,0-3,0 კგ/ჰა	ჭრაქი		შესხურება ვეგეტაციის პერიოდში 0,2% სამუშაო ხსნარით: პირველი პროფილაქტიკური, შემდეგი 7-10 დღის ინტერვალით	30(6)
კარტოფილი	1,2-1,6 კგ/ჰა	ფიტოფტოროზი მაკროსპორიოზი, ალტერნარიოზი		შესხურება ვეგეტაციის პერიოდში 0,2% სამუშაო ხსნარით: პირველი პროფილაქტიკური, შემდეგი 7-12 დღის ინტერვალით	20(5)
კარტოფილი (სათესლე)	2,0-2,5 კგ/ჰა	რიზოქტონიოზი		თესვის წინ, სათესლე მასალის დამუშავება პრეპარატის სუსპენზიით	-(1)
ხეხილი, ციტრუსები	2,5-3,0 კგ/ჰა	ქეცი, ანთრაქნოზი		შესხურება ვეგეტაციის პერიოდში 0,2% სამუშაო ხსნარით: პირველი პროფილაქტიკური, შემდეგი 7-12 დღის ინტერვალით	30(2 – 4)
პომიდორი (ღია გრუნტი)	1,2-1,6 კგ/ჰა	ფიტოფტოროზი მაკროსპორიოზი, ალტერნარიოზი		შესხურება ვეგეტაციის პერიოდში 0,2% სამუშაო ხსნარით: პირველი პროფილაქტიკური, შემდეგი 7-12 დღის ინტერვალით	20(5)
კიტრი (ღია გრუნტი)	1,2-1,6 კგ/ჰა	პერონოსპოროზი		პროფილაქტიკური, განმეორებითი  შესხურება 7–10 დღის ინტერვალით	10(3)
დამუშავებულ ფართობზე ადამიანების გასვლის ვადები: მექანიზებული სამუშაოების ჩასატარებლად –3 დღე,  ხელით სამუშაოებისთვის – 7 დღე.

 

გამოყენების რეკომენდაციები და ხარჯვის ნორმები

პრეპარატ დითანი მ–45–ით დამუშავება ხორციელდება კულტურის ვეგეტაციის პერიოდში, მიწისზედა შემსახურებლის მეშვეობით,  ხოლო რაფსის ნათესებზე შეიძლება საავიაციო  გაფრქვევა: დილით (10–მდე) და საღამოს (18–22) მინიმალური აღმავალი ჰაერის ნაკადების დროს. წვრილწვეთოვანი შესხურებისას ქარის სიჩქარე არ უნდა აღემატებოდეს 3 მ/წმ, უხვწვეთოვანის დროს – 4 მ/წმ. პრეპარატი გამოიყენება პროფილაქტიკურად, საველე პირობებში დაავადების გამოვლენამდე, ან დაავადების ადრეულ სტადიაზე ხილული სიმპტომების გამოჩენამდე.

მაქსიმალური ეფექტურობის მისაღწევად, კარგად დარეგულირებული დანადგარების გამოყენებით პრეპარატი თანაბრად უნდა განაწილდეს მცენარის ფოთლოვან ზედაპირზე. სათესლე მასალის (კარტოფილი) დამუშავების მიზნით, პრეპარატის გამოსაყენებისას მზადდება ერთგვაროვანი სუსპენზია.

დამუშავებათა შორის ინტერვალი: ჩვეულებრივ პირობებში დამუშავებებს შორის ინტერვალი შეადგენს 10–14 დღეს. დამუშავებებს შორის ინტერვალი უნდა შემცირდეს 7–10 დღემდე:

• კულტურების მორწყვით მოყვანის შემთხვევაში;  
• დაზიანების მიმართ ძალიან მგრძნობიარე ჯიშებზე;    
• წვიმიანი ამინდებისას, რაც ხელს უწყობს დაავადებების გამომწვევი პათოგენების  განვითარებას; 
• დაავადების სიმპტომების შემჩნევისას.

დაცვითი მოქმედების პერიოდი: პრეპარატის ხარჯვის ნორმების გათვალისწინებით და კლიმატური პირობებიდან გამომდინარე პრეპარატს შეუძლია დამცავი მოქმედების შენარჩუნება 8–12 დღის განმავლობაში.

სელექტიურობა/ფიტოტოქსიკურობა:  რეკომენდებული ნორმებით და ვადებში გამოყენებისას ფუნგიციდი დითანი მ–45 არ არის ფიტოტოქსიკური რეგლამენტირებული კულტურებისათვის.

შეზღუდვა კულტურათა მონაცვლეობასთან დაკავშირებით და ახალი კულტურის თესვისას: არ გააჩნია.

ნალექებით ჩამორეცხვის მიმართ მდგრადობა: პრეპარატის გამოყენებიდან 2 სთ–ის განმავლობაში მოსულ ნალექს (მორწყვას) შეუძლია გამოიწვიოს მისი ეფექტურობის შემცირება.

რეზისტენტობის წარმოქმნის ალბათობა: მანკოცების მრავალწლოვანი გამოყენების პრაქტიკაში, რეზისტენტობის შემთხვევა არ გამოვლენილა. სურსათის კვლევისა და ზემოქმედების ცენტრის (FRAC) კლასიფიკაციის თანახმად მანკოცები განეკუთვნება მრავალრეცეპტორული მოქმედების –М ჯგუფს. რეზისტენტობის რისკი არ არსებობს.