ტალსტარი 1ლ

გამოყენების ინსტრუქცია:

ტალსტარი უნდა გაიხსნას წყალში უშუალოდ მოხმარების წინ და გამოყენებულ იქნას შესხურებით. დარწმუნდით, რომ შემასხურებელი მუშა მდგომარეობაშია და სუფთაა.

დაარეგულირეთ მფრქვეველიდან სამუშაო ხსნარის გამოსვლის რაოდენობა და თანაბრობა. შემასხურებლის ავზი შეავსეთ სანახევროდ, ჩართეთ ამრევი და დაამატეთ ტალსტარის საჭირო რაოდენობა. გააგრძელეთ ხსნარის არევა ავზის ავსებამდე და დამუშავების დროს. ტალსტარი შეიძლება გამოყენებულ იქნას ყველა ტიპის შემასხურებელში. საავიაციო შესხურების შემთხვევაში კონსულტაციისთის მიმართეთ დისტრიბუტორს.

თავსებადობა სხვა პრეპარატთან: ტალსტარი თავსებადია ნეიტრალური რეაქციის მქონე პრეპარატებთან. თავსებადია მრავალ ინსექტო-აკარიციდთან, ფუნგიციდებთან და მინერალურ სასუქებთან. უცნობი პრეპარატის შემთხვევაში რეკომენდებულია მცირე რაოდენობის შემოწმება შუშის ჭურჭელში სტაბილურობაზე.

ფიტოტოქსიკურობა: პრეპარატი არ არის ფიტოტოქსიკური რეკომენდირებულ დოზებში.

დამცავი ეფექტის ხანგრძლივობა:

კლიმატური პირობების მიხედვით 2-3 კვირა.

რეზისტენტობის განვითარება:

რეზისტენტობის განვითარების თავიდან აცილების მიზნით, რეკომენდირებულია სეზონის განმავლობაში მოცემულ ნაკვეთზე პრეპარატის გამოყენება 2-ჯერ და ასევე მისი მონაცვლეობა სხბვა ქიმიური კლასის ინსექტიციდებთან.

ფლორისა და ფაუნის სასარგებლო ობიექტების დაცვის რეკომენდაციები:

პრეპარატი საშუალოდ ტოქსიკურია თბილსისხლიანებისათვის, საშიშია ფუტკრებისათვის, ტოქსიკურია თევზებისათვის. აკრძალულია პრეპარატის გამოყენება თევზსაშენების სანიტარულ ზონებში. ფუტკრისთვის დამცავი ზონის მანძილია 1-2 კმ.

ნარჩენებისა და გამოყენებული ტარის უტილიზაციის წესი:ჩაიცვით დამცავი ტანისამოსი და გაიკეთეთ რესპირატორი. შემოფარგლეთ პრეპარატით დაბინძურებული ადგილი. არ დაუშვათ დაბინძურებულ ტერიტორიაზე დაუცველი ხალხისა და ცხოველების მოხვედრა. არ დაუშვათ პრეპარატის მოხვედრა წყალსაცავებსა და წყალშემკრებ არხებში. პრეპარატის გართხმის თავიდან ასაცილებლად გამოიყენეთ არაწვადი აბსორბენტები, ისეთი როგორიცაა თიხა, ქვიშა ან მიწა. ნარჩენები შეაგროვეთ სპეციალურ კასრებში და გაანადგურეთ მოქმედი კანონმდებლობის მიხედვით.

უსაფრთხოების წესები: პრეპარატთან მუშაობისას აუცილებელია დაიცვათ საქართველოს კანონმდებლობით გათვალისწინებული “პესტიციდების შენახვასთან, ტრანსპორტირებასთან და გამოყენებასთან დაკავშირებული უსაფრთხოების ზომები სოფლის მეურნეობაში”. პრეპარატთან მუშაობისას არ შეიძლება ჭამა, სმა, მოწევა და საღეჭი რეზინის ღეჭვა. აუცილებელია დამცავი ტანსაცმლის, სათვალის, ხელთათმანებისა და რესპირატორის გამოყენება. პრეპარატის ტრანსპორტირებისას იხელმძღვანელეთ პესტიციდების ტრანსპორტირების ჩვეულებრივი წესით.

შენახვის პირობები: შეინახეთ პრეპარატი ბავშვებისათვის მიუწვდომელ ადგილზე. დახურულ ქარხნულ შეფუთვაში, გრილ მშრალ, კარგად განიავებად ადგილზე, საცხოვრებელი გარემოსაგან, ფურაჟისა და კვების პროდუქტებისაგან შორს, მოარიდეთ მზის პირდაპირ სხივებს. შეინახეთ პრეპარატი, მშრალ, ბნელ ადგილზე, -50C-დან +400C-მდე ტემპერატურის პირობებში. არავითარ შემთხვევაში არ გამოიყენოთ პრეპარატის ცარიელი ტარა ნებისმიერი სხვა საჭიროებისთვის.

პირველადი დახმარება:

შესუნთქვისას: დაზარალებული გაიყვანეთ სუფთა ჰაერზე. დახმარებისთვის მიმართეთ ექიმს.

კანზე მოხვედრისას: დაუყოვნებლივ ჩამოიბანეთ სუფთა წყლის დიდი რაოდენობით.

თვალში მოხვედრისას: დაუყოვნებლივ გამოიბანეთ თვალები და ქუთუთოები სუფთა წყლის დიდი რაოდენობით. თუ გაღიზიანება გაგრძელდა, მიმართეთ ექიმს.

გადაყლაპვისას: თუ ადამიანი უგონო მდგომარეობაშია არ გადააყლაპოთ არაფერი. მიმართეთ ექიმს და აჩვენეთ ეტიკეტი.

მყიდველთა საყურადღებოდ:

მწარმოებელი იძლევა გარანტიას, რომ პრეპარატი შეესაბამება იმ ქიმიურ შემადგენლობას, რომელიც მითითებულია პრეპარატის ტარაზე, თუ იგი ინახება მჭიდროდ თავდახურულ ქარხნულ შეფუთვაში.

მწარმოებელი არ იღებს პასუხიმგებლობას პრეპარატის არასწორი გამოყენებითა თუ შენახვით გამოწვეულ პირდაპირ და არაპირდაპირ ზარალზე. მწარმოებელი არ იღებს ვალდებულებას პრეპარატის არამიზნობრივი გამოყენების შედეგებზე და მყიდველის მიერ სხვა გამოხატულ ან ნაგულისხმევ ვალდებულებებზე გარდა ზემოთ აღნიშნულისა.